2024- 25 അധ്യയനവര്ഷം മുതല് കെഎസ്ആര്ടിസി ബസുകളിലെ വിദ്യാര്ഥി കണ്സഷന് ഓണ്ലൈനിലേക്ക് മാറുകയാണ്. കെഎസ്ആര്ടിസി യൂണിറ്റുകളില് നേരിട്ട് എത്തി രജിസ്ട്രേഷന് നടപടികള് പൂര്ത്തിയാക്കുന്നതിനുള്ള തിരക്കും കാലതാമസവും ഒഴിവാക്കുന്നതിലേക്കാണ് രജിസ്ട്രേഷന് കെഎസ്ആര്ടിസി ഓണ്ലൈനിലേക്ക് മാറ്റുന്നത്. അക്ഷയകേന്ദ്രം വഴി ഓണ്ലൈന് ആയി അപേക്ഷ സമര്പ്പിക്കാവുന്നതാണ്.
പ്രസ്തുത അപേക്ഷ സ്കൂള് അംഗീകരിച്ചുകഴിഞ്ഞാല് ബന്ധപ്പെട്ട ഡിപ്പോയിലെ പരിശോധനയ്ക്കുശേഷം അപ്രൂവ് ചെയ്യുന്നതാണ്. ഉടന്തന്നെ അപേക്ഷ അംഗീകരിച്ചതായി SMS ലഭിക്കുകയും ആകെ എത്ര രൂപ ഡിപ്പോയില് അടക്കേണ്ടതുണ്ട് എന്ന നിര്ദേശവും ലഭ്യമാകും.
തുക അടയ്ക്കേണ്ട നിര്ദേശം ലഭ്യമായാല് ഉടന്തന്നെ ഡിപ്പോയിലെത്തി തുക അടക്കേണ്ടതാണ്. ഏതുദിവസം നിങ്ങളുടെ കണ്സെഷന് കാര്ഡ് ലഭ്യമാകുമെന്ന് SMS വഴി അറിയിക്കും. വിദ്യാര്ഥികളുടെ അപേക്ഷ ട്രാക്ക് ചെയ്യുന്നതിനായി രജിസ്റ്റര് ചെയ്യുന്ന സമയത്ത് നല്കിയിരിക്കുന്ന യൂസര്നെയിമും പാസ് വേഡും ഉപയോഗിച്ച് വെബ് സൈറ്റില് ലോഗിന് ചെയ്ത് പരിശോധിക്കാന് കഴിയും.
ഏതെങ്കിലും കാരണവശാല് അപേക്ഷ നിരസിച്ചിട്ടുണ്ടെങ്കില് എന്തു കാരണത്താലാണ് നിരസിച്ചതെന്നും അറിയാനുള്ള സൗകര്യവുമുണ്ട്. അപേക്ഷ നിരസിച്ചതിനെതിരെ അപ്പീല് നല്കാനായി പ്രസ്തുത വെബ്സൈറ്റില് തന്നെ Appeal Applittcations എന്ന ടാബ് തയ്യാറാക്കിയിട്ടുണ്ട്. KSRTC യിലെ ബന്ധപ്പെട്ട ഉയര്ന്ന ഉദ്യോഗസ്ഥന് ഇതു പരിശോധിച്ച് തുടര്നടപടി കൈക്കൊള്ളുന്നതാണ്.
Post a Comment