ഇന്ത്യയിലെ ചെറുനഗരങ്ങളിലെ കസ്റ്റമേഴ്‌സിന്റെ ഇടപാടുകളില്‍ 65 ശതമാനവും ഇപ്പോള്‍ ഡിജിറ്റലാണ്. അതേസമയം വലിയ നഗരങ്ങളില്‍ ഈ അനുപാതം ഏതാണ്ട് 75 ശതമാനമാണെന്ന് പുതിയ റിപോര്‍ട്ടുകള്‍ പറയുന്നു. Kearney India, Amazon Pay India എന്നിവയുടെ റിപ്പോര്‍ട്ട് അനുസരിച്ച്, ഡിജിറ്റല്‍ പേമെന്റ് നടത്തുന്നവര്‍ ഏറിയകൂറും 25-43 വയസ് പ്രായമുള്ളവരാണ്. 44- 59 പ്രായമുള്ളവരും ഒട്ടും പിറകിലല്ല. 60 വയസും അതില്‍ കൂടുതലുമുള്ളവര്‍ ചെറുപ്പക്കാര്‍ക്കുള്ളതിനേക്കാള്‍ ഉയര്‍ന്ന കാര്‍ഡും വാലറ്റും ഉപയോഗിക്കുന്നു. 120 നഗരങ്ങളിലും 6000ലധികം ഉപയോക്താക്കളും 1000 വ്യാപാരികളും വ്യാപിച്ചുകിടക്കുന്ന സര്‍വേയുടെ അടിസ്ഥാനത്തിലാണ് റിപോര്‍ട്ട്.
റിപോര്‍ട്ട് അനുസരിച്ച്, പണമിടപാടുകള്‍ കുറയുന്നതിനനുസരിച്ച് യുപിഐ, ഡിജിറ്റല്‍ വാലറ്റുകള്‍, കാര്‍ഡുകള്‍ എന്നിവ വ്യാപകമായി ഇടപാടുകളില്‍ ഇടംപിടിക്കുന്നു. വ്യാപാരി ഇടപാടുകളുടെ 69 ശതമാനവും ഡിജിറ്റല്‍ മോഡുകളാണ്. ഇന്ത്യയുടെ ഡിജിറ്റല്‍ പേമെന്റ് വിപ്ലവം തെരുവ് കച്ചവടക്കാരിലേക്കും ചെറിയ പട്ടണങ്ങളിലേക്കും പോലും വളര്‍ന്നുകഴിഞ്ഞു. ബിഎന്‍പിഎല്‍ പോലുള്ള ഉയര്‍ന്നുവരുന്ന മോഡുകള്‍ സൗകര്യാര്‍ഥം ദൃശ്യപരത നേടിയെന്നും റിവാര്‍ഡുകള്‍ ഇന്ത്യയുടെ ഡിജിറ്റല്‍ പേമെന്റ് പരിവര്‍ത്തനത്തെ മുന്നോട്ട് നയിച്ചെന്നും റിപോര്‍ട്ടില്‍ പറയുന്നു. പ്രതികരിച്ചവരില്‍ ക്രെഡിറ്റ് അധിഷ്ഠിത ഓഫറിനെക്കുറിച്ച് 87 ശതമാനം പേര്‍ക്കും അവബോധമുണ്ട്.
Post a Comment