റെയില്‍വേ സ്റ്റേഷനുകള്‍ എത്രതരം, ഏതെല്ലാം?

 

ഇന്ത്യന്‍ റെയില്‍വേയില്‍ സ്റ്റേഷന്റെ പേരിനൊപ്പം Road, Halt, Nagar, Junction,Cantt,Terminal, സെന്‍ട്രല്‍ എന്നിങ്ങനെ കൊടുത്തിട്ടുണ്ടല്ലോ. അതെന്താണെന്ന് മിക്കവര്‍ക്കും അറിയില്ല. അതേക്കുറിച്ചാണ് ഇവിടെ പറയുന്നത്.

Road: റോഡ് റെയില്‍വേ സ്റ്റേഷനെന്നാല്‍ പ്രധാന റെയില്‍വേ ലൈനില്‍നിന്ന് അകലെ സ്ഥിതിചെയ്യുന്ന ഒരു റെയില്‍വേ സ്റ്റേഷനെ സൂചിപ്പിക്കുന്നു. അവിടേക്ക് റോഡ് മാര്‍ഗം മാത്രമേ എത്തിച്ചേരാനാവൂ. (ഉദാ:- Nilambur Road, Vaikom Road)

Halt, Nagar: ഈ പേരുകളുള്ള സ്റ്റേഷനുകളില്‍ ലോക്കല്‍ ട്രെയിന്‍ മാത്രമേ നിര്‍ത്തുകയുള്ളൂ. (ഉദാ:- Aroor Halt, Kaduthuruthy Halt, Divine Nagar, Vallathol Nagar)

Junction: മൂന്നോ അതിലധികമോ റെയില്‍വേ ലൈനുകള്‍ സംഗമിക്കുന്ന railway സ്റ്റേഷനുകളാണ്  junction. സ്റ്റേഷനിലേക്കു വരുന്ന ട്രെയിനുകള്‍ക്ക് കുറഞ്ഞത് രണ്ട് outgoing ട്രെയിന്‍ ലൈനുകള്‍ എങ്കിലും ഉണ്ടായിരിക്കണം (ഉദാ:- Ernakulam Junction, Shoranur Junction)

Cantt (Cantonment): ഒരു സൈനിക ഓഫിസ്, ക്യാംപ് എന്നിവയ്ക്കു സമീപം സ്ഥാപിച്ച റെയില്‍വേ സ്റ്റേഷനുകളാണ് cantt റെയില്‍വേ സ്റ്റേഷന്‍. കേരളത്തില്‍ ഇത്തരം railway station ഇല്ല (ഉദാ:- Bengaluru Cantt)

Central: ഒന്നിലധികം റെയില്‍വേ സ്റ്റേഷനുകളുള്ള നഗരങ്ങളിലെ പ്രധാന പാസഞ്ചര്‍ റെയില്‍വേ സ്റ്റേഷനെ ഒരു സെന്‍ട്രല്‍ സ്റ്റേഷനായി നിയോഗിക്കുന്നു.  സെന്‍ട്രല്‍ സ്റ്റേഷന്‍ റെയില്‍ ഗതാഗതത്തിന്റെ പ്രധാന ഗതാഗത കേന്ദ്രമായി പ്രവര്‍ത്തിക്കുന്നു. ഈ സ്റ്റേഷനുകളില്‍നിന്ന് എല്ലായിടത്തേക്കും railway connectivity ഉണ്ടായിരിക്കുന്നതാണ് (ഉദാ:- Trivandrum Central, Chennai Central)

Terminal: ഈ സ്റ്റേഷനുകളിലൂടെ railway connectivity അവസാനിക്കുകയാണ്. ഇവിടെ വന്ന ട്രെയിനുകള്‍ അതുപോലെ തിരിച്ചുപോകും. ഈ സ്റ്റേഷനുകളില്‍നിന്ന് മുന്നോട്ട് ട്രാക്കുകള്‍ ഉണ്ടായിരിക്കുന്നതല്ല (ഉദാ: Chathapati Shivaji Maharaj Terminals Mumbai)