ഇന്നത്തെ കാലത്ത് പലരെയും അലട്ടുന്ന പ്രശ്നമാണ് നെറ്റികയറൽ. ഇത് ഇന്നത്തെ കാലത്ത് ചെറുപ്പക്കാരെ പോലും അലട്ടുന്ന ഒരു പ്രശ്നമാണ്. നെറ്റി കയറുകയെന്ന് പറഞ്ഞാല്‍ കഷണ്ടിയാരംഭിയ്ക്കുക എന്നത് തന്നെ. പ്രായക്കൂടുതല്‍ തോന്നിപ്പിയ്ക്കുന്ന ഒന്നാണ് ഇത്. ഇത് പുരുഷന്മാരില്‍ കൂടുതലെങ്കിലും ചിലപ്പോള്‍ സ്ത്രീകളിലുമുമുണ്ടാകാറുണ്ട്. പ്രത്യേകിച്ചും ഹോര്‍മോണ്‍ പ്രശ്‌നങ്ങളായ തൈറോയ്ഡ് പോലുള്ള കണ്ടീഷനുകളുണ്ടെങ്കിൽ.
ഇത്തരത്തില്‍ നെറ്റി കയറുന്നത് തടയാന്‍ സഹായിക്കുന്ന ചില വഴികളുണ്ട്. ഇതിലൊന്നാണ് സവാള ഉപയോഗിച്ചുള്ള ഒന്ന്. ഇതിനായി പ്രത്യേക രീതിയില്‍ സവാള മിശ്രിതം തയ്യാറാക്കുകയാണ് വേണ്ടത്. സവാള പൊതുവേ മുടിയുടെ ആരോഗ്യത്തിന് മികച്ചതാണ്. അകാല നര ചെറുക്കാനും മുടി വളരാനുമെല്ലാം ഇതിലെ സള്‍ഫര്‍ സഹായിക്കുന്നു. സവാള നീര് പുരട്ടുന്നത് മുടി കൊഴിയുന്നത് തടയുക മാത്രമല്ല, മുടി പോയിടത്ത് മുടി വളരാന്‍ സഹായിക്കുകയും ചെയ്യുന്നു.
ഇതില്‍ വെളിച്ചെണ്ണയും ചേര്‍ക്കുന്നു. വെളിച്ചെണ്ണയും മുടിയുടെ ആരോഗ്യത്തിന് മികച്ചതാണ്. പാരമ്പര്യവൈദ്യമാണ് ഇതെന്ന് പറയാം. നല്ല കൊഴുപ്പുകള്‍ മുടിയുടെ വളര്‍ച്ചയ്ക്കും തിളക്കത്തിനും മിനുസത്തിനുമെല്ലാം ഏറെ ഗുണകരമാണ്. അകാല നര ചെറുക്കാന്‍ ഇതിലെ പോഷകങ്ങള്‍ക്ക് സാധിയ്ക്കും. ഇതിലെ ലോറിക് ആസിഡ് മുടിയ്ക്ക് ആവശ്യമായ ഗുണങ്ങള്‍ എല്ലാം തന്നെ നല്‍കുന്നു.
ആവണക്കെണ്ണയാണ് ഇതില്‍ ചേര്‍ക്കുന്ന അടുത്ത ഘടകം. പൊതുവേ മുടിയുടെ ആരോഗ്യത്തിന് ഉത്തമമാണ് ആവണക്കെണ്ണ. രോമവളര്‍ച്ചയുണ്ടാകാന്‍ ഏറെ ഗുണകരമാണ് ഇത്. പൊതുവേ താടി, മീശ വളര്‍ച്ചയ്ക്കും പുരികത്തിന്റെ രോമ വളര്‍ച്ചയ്ക്കുമെല്ലാം സഹായകമാണ് ഇത്. മുടിയുടെ ആരോഗ്യത്തിന് ഇത് ഏറെ ഉത്തമമാണ്. മുടിയ്ക്ക് കറുപ്പ് നല്‍കാന്‍ സഹായിക്കുന്ന ഒന്നാണിത്.
ഈ പ്രത്യേക സവാള മിശ്രിതം തയ്യാറാക്കാനായി ഒരു സവാളയ്‌ക്കൊപ്പം രണ്ട് ടേബിള്‍സ്പൂണ്‍ വെളിച്ചെണ്ണ, 1 ടേബിള്‍സ്പൂണ്‍ ആവണക്കെണ്ണ എന്ന അളവില്‍ വേണം എടുക്കാന്‍. സവാള മിക്‌സിയില്‍ അടിച്ച് നീരെടുക്കുക. ഇതിലേയ്ക്ക് ബാക്കി രണ്ട് ചേരുവകള്‍ ചേര്‍ത്തിളക്കി നല്ല മിശ്രിതമാക്കാം. ഇത് ശിരോചര്‍മത്തില്‍ നല്ലതു പോലെ ചേര്‍ത്തിളക്കി പുരട്ടാം. അര-ഒരു മണിക്കൂര്‍ ശേഷം കഴുകാം. വീര്യം കുറഞ്ഞ ഷാംപൂ ഉപയോഗിച്ച് കഴുകണം. ആഴ്ചയില്‍ രണ്ടു മൂന്ന് തവണ ഇത് ഉപയോഗിയ്ക്കാം. ഇത് നെറ്റി കയറുന്നത് ഒഴിവാക്കുന്നു. പോയിടത്ത് മുടി വരാനും നല്ലതാണ്. മുടി കൊഴിച്ചില്‍ തടഞ്ഞ് മുടിയ്ക്ക് കറുപ്പും നല്‍കുന്നു.
Post a Comment