ചര്‍മ സംരക്ഷണത്തിന്, മുഖ സംരക്ഷണത്തിന് ചെയ്യാന്‍ പറ്റുന്ന പ ല ലളിതമായ വഴികളുമുണ്ട്. ഇതില്‍ ഒന്നാണ് മസാജ് എന്നത്. പ്രത്യേകിച്ച് ചിലവില്ലാത്ത, അതേ സമയം ഏറെ ഗുണം നല്‍കുന്ന ഒന്നാണ് ഇത്. രാത്രിയില്‍ കിടക്കാന്‍ നേരം 5 മിനിറ്റ് നേരം മുഖം മസാജ് ചെയ്യുന്നത് നല്‍കുന്ന ഗുണങ്ങള്‍ ചെറുതല്ല. ഇത്തരം ചില ഗുണങ്ങളെക്കുറിച്ചറിയൂ.
മസാജ് ബ്ലഡ് സര്‍ക്കുലേഷന്‍ വര്‍ദ്ധിപ്പിയ്ക്കുന്ന ഒന്നാണ്. ഇത് ചര്‍മത്തിന് നല്‍കുന്ന ഗുണങ്ങള്‍ പലതുമാണ്. ചർമത്തിലെ ചുളിവുകള്‍ നീക്കാന്‍ സഹായിക്കുന്ന ഒന്നാണിത്. രക്തപ്രവാഹം വര്‍ദ്ധിയ്ക്കുമ്പോള്‍ സ്വാഭാവികമായും ചര്‍മത്തിന് ഗുണങ്ങള്‍ ലഭിയ്ക്കും. കൊളാജന്‍ ഉല്‍പാദനം അടക്കമുള്ളവ വര്‍ദ്ധിയ്ക്കും. ഇത് ചര്‍മം അയഞ്ഞ് തൂങ്ങുന്നത് തടയാനും പ്രായക്കുറവ് തോന്നിയ്ക്കാനും സഹായിക്കും.
ചര്‍മത്തിന്റെ നിറം വര്‍ദ്ധിയ്ക്കാന്‍ സഹായിക്കുന്നത് രക്തപ്രവാഹം വര്‍ദ്ധിയ്ക്കുന്നത് കൂടിയാണ്. ഇതിന് സഹായിക്കുന്ന വഴിയാണ് മസാജ് എന്നത്. ഇത് ചര്‍മത്തിന് ചെറുപ്പവും തുടിപ്പും തിളക്കവുമെല്ലാം നല്‍കാന്‍ ഏറെ നല്ലതാണ്. ചര്‍മത്തിന് തിളക്കം നല്‍കാന്‍ രാത്രി കിടക്കാന്‍ നേരത്തുള്ള മസാജ് സഹായിക്കും. ഇത് ഏറെ ഗുണങ്ങള്‍ നല്‍കുകയും ചെയ്യുന്നു. ചര്‍മത്തിന് തിളക്കവും മിനുസവും നല്‍കാന്‍ ഏറെ ഗുണകരമാണ് ഇത്.
കണ്ണിനടയിലെ കറുപ്പ് പലരേയും അലട്ടുന്ന പ്രശ്‌നമാണ്. പ്രത്യേകിച്ചും പ്രായമേറുമ്പോഴും സ്‌ക്രീന്‍ ഉപയോഗം കുടൂതലാകുമ്പോഴും ഉറക്കക്കുറവുള്ളപ്പോഴും. ഇതിന് പരിഹാരം കൂടിയാണ് മസാജ് എന്നത്. കണ്ണിനടയില്‍ പതിയെ മസാജ് ചെയ്യുന്നത് ഈ ഭാഗത്തേയ്ക്കുള്ള രക്തപ്രവാഹം വര്‍ദ്ധിപ്പിയ്ക്കുന്നതിനാല്‍ തന്നെയും കണ്ണിനടിയിലെ കറുപ്പകറ്റാന്‍ ഏറെ ഗുണകരമാണ്.
മസാജ് ചെയ്യുന്നതിന് കറ്റാര്‍ വാഴ ജെല്‍ പോലുള്ളവയോ നൈറ്റ് ക്രീമുകളോ ഉപയോഗിയ്ക്കാം. ഇത് കയ്യിലെടുത്ത് വിരല്‍ത്തുമ്പിനാല്‍ മൃദുവായി മസാജ് ചെയ്യാം. മുഖം മസാജ് ചെയ്യുമ്പോള്‍ മുകളില്‍ നിന്നും താഴേയ്ക്ക് മസാജ് ചെയ്യരുത്. താഴേ നിന്നും മുകളിലേയ്ക്ക് മസാജ് ചെയ്യണം.
രാത്രി നേരത്ത് ചര്‍മം അതിന്റെ കേടുപാടുകള്‍ തീര്‍ക്കുന്ന സമയം കൂടിയാണ്. ഇതിനാല്‍ രാത്രി നേരത്തെ മസാജ് ചര്‍മത്തിന് ഏറെ ഗുണം നല്‍കും. ചര്‍മത്തിന് രാവിലെ ഫ്രഷ്‌നസ് അനുഭവപ്പെടുവാന്‍ സഹായിക്കുന്ന വഴി കൂടിയാണിത്.
Post a Comment