വീട്ടമ്മമാരുടെ തലവേദനയാണ് മീന്‍ ഫ്രിഡ്ജില്‍ കേടുകൂടാതെ സൂക്ഷിക്കുകയെന്നത്. എത്ര ശ്രദ്ധിച്ചാലും പലപ്പോഴും പുറത്തെടുക്കുമ്പോള്‍ കേടാവാന്‍ തുടങ്ങിയിട്ടുണ്ടാവും. ഇതാ മീന്‍ കേടാകാതെ ഫ്രിഡ്ജില്‍ സൂക്ഷിക്കാന്‍ രണ്ട് അടിപൊളി ടിപ്പുകള്‍. ആദ്യം മീന്‍ നന്നായി കഴുകി വൃത്തിയാക്കി കഷണങ്ങളാക്കിയെടുക്കണം. ഉപ്പുചേര്‍ത്ത് കഴുകുന്നതാണ് കൂടുതല്‍ നല്ലത്. ഇത് അടപ്പുള്ള ഒരു പാത്രത്തിലേക്ക് മാറ്റാം. പാത്രം നിറയുന്നതുവരെ മീന്‍ വയ്ക്കാതിരിക്കാന്‍ ശ്രദ്ധിക്കണം. ഇനി പാത്രത്തിലേക്ക് മീനിന്റെ മുകള്‍ഭാഗം നിറയുന്നതുവരെ വെള്ളം ഒഴിച്ചുകൊടുക്കാം. ഇനി എയര്‍ടൈറ്റായി മൂടി നന്നായി അടച്ചശേഷം ഫ്രീസറില്‍ സൂക്ഷിക്കാം.
മീന്‍ മറ്റൊരു രീതിയിലും ഫ്രഷായി സൂക്ഷിക്കാന്‍ കഴിയുന്നതാണ്. ആദ്യം മീന്‍ നന്നായി കഴുകി വൃത്തിയാക്കിയെടുത്തശേഷം അതിലേക്ക് ആവശ്യത്തിന് ഉപ്പ്, കുറച്ച് മഞ്ഞള്‍പ്പൊടി, കുറച്ച് മുളകുപൊടി എന്നിവചേര്‍ത്ത് യോജിപ്പിച്ചുകൊടുക്കണം. അടുത്തതായി ഒരു അടപ്പുപാത്രമെടുത്ത് അകത്ത് ഫോയില്‍ പേപ്പറോ പ്‌ളാസ്റ്റിക്കോ വച്ചശേഷം മസാല പുരട്ടിയ മീന്‍ നിരത്താം. ശേഷം മൂടി നന്നായി അടച്ച് ഫ്രീസറില്‍ സൂക്ഷിക്കാം. മീന്‍ കറി വയ്ക്കാനോ വറുക്കാനോ എടുക്കുമ്പോള്‍ ആവശ്യമെങ്കില്‍ കുറച്ച് മസാലകൂടി ചേര്‍ത്ത് പാകംചെയ്യാം. ഈ രണ്ട് രീതിയിലും മീനിന് രുചിവ്യത്യാസം വരുമെന്ന പേടി വേണ്ടാ.
Post a Comment